پاکستانی کوہ پیماثمر خان کا ایک اور اعزاز، جنوبی امریکا کی بڑی چوٹی سر کر لی

پاکستانی کوہ پیما ثمر خان نے ایک اوراعزاز حاصل کر لیا، انہوں نے جنوبی امریکا کی بڑی چوٹی سر کرلی۔
غیر ملکی میڈیا رپورٹس کے مطابق ثمر خان ارجنٹینا میں واقع 6 ہزار 961 میٹر بلند ماؤنٹ اکونکاگوا کو سرکرنے میں کامیاب رہیں۔
اس موقع پر پاکستانی کوہ پیما کا کہنا تھا کہ سخت موسم اور تیز ہوائیں چلنے کی وجہ سے چوٹی سر کرنا ایک چیلنج تھا لیکن اللہ کا شکر ہے کہ سخت موسم اور مشکل حالات کے باوجود کامیابی حاصل ہوئی۔
واضح رہے کہ ایشیا سے باہر ماؤنٹ اکونکاگوادنیا کی بلند ترین چوٹی ہے۔