وزیر اعظم کا اسٹیٹ بینک پالیسی ریٹ میں ایک فیصد کمی کا خیر مقدم

وزیر اعظم محمد شہباز شریف نے اسٹیٹ بینک آف پاکستان کی جانب سے پالیسی ریٹ میں ایک فیصد کمی کا خیر مقدم کیا ہے۔

انہوں نے اپنے جاری کردہ بیان میں کہا کہ پالیسی ریٹ کا 12 فیصد پر آنا ملکی معیشت کے لئے خوش آئند ہے، پالیسی ریٹ میں کمی سے پاکستانی معیشت پر سرمایہ کاروں کا اعتماد بڑھے گا۔

محمد شہباز شریف نے کہا کہ پُر امید ہوں آئندہ مہینوں میں افراط زر میں مزید کمی ہو گی، معیشت کی بحالی کے حوالے سے وفاقی وزیر خزانہ اور دیگر متعلقہ اداروں کی کوششیں لائقِ تحسین ہیں۔

ان کا کہنا تھا کہ پالیسی ریٹ میں کمی سے ملک میں سرمایہ کاری میں اضافہ ہو گا، کم افراط زر کی شرح کی بدولت پالیسی ریٹ میں کمی آئی ہے۔