جی ایچ کیوحملہ کیس ، بانی پی ٹی آئی کی بریت کی درخواست مسترد

راولپنڈی:انسداددہشت گردی عدالت (اے ٹی سی )نے جی ایچ کیو حملہ کیس میں بانی پی ٹی آئی کی بریت کی درخواست مسترد کردی ۔
 بانی پی ٹی آئی کی جانب سے  جی ایچ کیو حملہ کیس میں بریت کے کے لیے انسداد دہشت گردی عدالت میں درخواست دائر کی گئ تھی۔
انسداد دہشت گردی کے پر راولپنڈی کے جج امجد علی شاہ نےبانی پی ٹی آئی کی بریت کی درخواست پر سماعت کی۔
دوران سماعت پراسیکیوٹر نےدرخواست کے خلاف دلائل دیتے ہوئے کہا کہ مقدمے کا ٹرائل جاری ہے جس میں 12 گواہان کی شہادت ریکارڈ ہو چکی ہیں،اس وقت درخواست بریت کی سماعت مناسب نہیں پراسیکیوشن کو شہادت ریکارڈ کرانے کا موقع دیا جائے۔
دوران سماعت پراسیکیوٹر کی جانب سے موّقف اختیار کیا گیا کہ شیخ رشید کی درخواست بریت بھی اے ٹی سی نے مسترد کی، ہائیکورٹ نے بھی ٹرائل کورٹ کا فیصلہ برقرار رکھا۔
بعد ازاں جج امجد علی شاہ نے بانی پی ٹی آئی کی درخواست بریت مسترد کردی۔