ملک میں سونے کی قیمت میں ریکارڈ اضافہ

ملک میں سونے کی قیمت میں نمایاں اضافہ ریکارڈ کیا گیا، جبکہ عالمی مارکیٹ میں بھی سونے کی قدر میں اضافہ دیکھنے میں آیا۔

مقامی صرافہ مارکیٹ میں فی تولہ سونا 2300 روپے اضافے کے بعد 2 لاکھ 88 ہزار 700 روپے کا ہوگیا، جبکہ 10 گرام سونا 1972 روپے مہنگا ہوکر 2 لاکھ 47 ہزار 513  روپے پر پہنچ گیا۔

عالمی مارکیٹ میں بھی سونے کی قیمت میں اضافہ ہوا، جہاں سونا 22 ڈالر مہنگا ہوکر 2763 ڈالر فی اونس تک جا پہنچا۔

معاشی ماہرین کے مطابق، سونے کی قیمت میں یہ اضافہ عالمی سطح پر ڈالر کی قدر میں اتار چڑھاؤ اور سرمایہ کاروں کی جانب سے سونے میں بڑھتی ہوئی دلچسپی کے باعث دیکھنے میں آیا ہے۔