یورپی یونین کے انسانی حقوق کے نمائندہ خصوصی سفیر اولف سکوگ کا پاکستان کا ایک ہفتے کا دورہ

یورپی یونین کے انسانی حقوق کے نمائندہ خصوصی سفیر اولف سکوگ نے پاکستان کا ایک ہفتے کا دورہ کیا۔

انہوں نے وفاقی اور صوبائی وزرا، عسکری قیادت، اعلیٰ حکام ، اقوام متحدہ کے اداروں کے حکام،ا نسانی حقوق کے علمبرداروں، وکلا،سول سوسائٹی کی تنظیموں، صحافیوں اور کاروباری شعبے کے افراد سے ملاقاتیں کیں۔

اولف سکوگ نے کہا کہ پاکستان جنوبی ایشیاء میں یورپی یونین کا ایک اہم شراکت دار ہے۔

انہوں نے کہا کہ ہمارے تعلقات اقوام متحدہ کے دستور اور بین الاقوامی طے شدہ اصولوں ، جمہوریت ، انسانی حقوق اور قانون کی حکمرانی جیسی مشترکہ اقدار پر استوار ہیں۔

انہوں نے کہاکہ یورپی یونین اس حقیقت کو تسلیم کرتا ہے کہ پاکستان جی ایس پی پلس سے استفادہ حاصل کرنے والا سب سے بڑا ملک بن گیا ہے اور دوہزار چودہ میں تجارتی سکیم کے اجراء سے اب تک یورپی یونین مارکیٹ میںپاکستان کی کاروباری سرگرمیوں کے ذریعے برآمدات میں ایک سو آٹھ فیصد اضافہ ہوا ہے۔