سونے کی قیمت ملکی تاریخ کی بلند ترین سطح پر ،فی تولہ کتنے کا ہو گیا؟

کراچی: کاروباری ہفتے کے آخری روز پاکستان اور عالمی مارکیٹ میں سونے کی قیمتوں ایک دفعہ پھر اضافہ ریکارڈ کیا گیاجس کے بعد سونے کی قیمت تاریخ کی بلند ترین سطح پر پہنچ گئی ہے۔
آل پاکستان جیمز اینڈ جیولرز ایسوسی ایشن کے مطابق سونے کی مقامی اور بین الاقوامی قیمتوں میں نمایاں اضافہ ہوا ہے،آج جمعہ کے روز  پاکستان میں24 گرام سونے کی فی تولہ قیمت میں 1500 روپے کا اضافہ ہوا ہے، جس کے بعد فی تولہ سونا 2 لاکھ 91 ہزار 800 روپے کا ہوگیا۔
اسی طرح 10 گرام سونے کی قیمت میں 1286 روپے کا اضافہ ہوا ہے جس کے بعد دس گرام سونے کی نئی قیمت پہلی بار 2 لاکھ 50 ہزار 171 روپے پر پہنچ گئی۔
دوسری جانب عالمی مارکیٹ میں سونا 14 ڈالر اضافے کے بعد 2792 ڈالر فی اونس کا ہوگیا۔
واضح رہے کہ گزشتہ روز سونے کی فی تولہ قیمت میں 1600 روپے اور دس گرام سونے قیمت میں 1372 روپے کا اضافہ ریکارڈ کیا گیا تھا۔