پاکستان اور سعودی عرب کے درمیان تعلقات میں مزید اضافہ ہو رہا ہے

خصوصی سرمایہ کاری سہولت کونسل کے تعاون سے پاکستان اور سعودی عرب کے درمیان تعلقات نئی بلندیوں پر پہنچ رہے ہیں۔

پاکستان کی سعودی عرب کیلئے برآمدات میں بائیس فیصد اضافہ ہوا ہے جبکہ تجارتی حجم چون کروڑ ساٹھ لاکھ ڈالر سے بڑھ کر ستر کروڑ ڈالر ہو گیا ہے۔سعودی سرمایہ کاروں نے پاکستان کے توانائی، زراعت، انفارمیشن ٹیکنالوجی اور تعمیراتی شعبوں میں سرمایہ کاری میں گہری دلچسپی کا اظہار کیا ہے۔

سعودی عرب کو آئی ٹی خدمات کی برآمدات کا ہدف پانچ کروڑ ڈالر سے بڑھ کر دس کروڑ ڈالر ہو گیا ہے۔سعودی عرب نے پاکستانی آئی ٹی کمپنیوں کی رجسٹریشن کے عمل میں سہولت کے لئے ایک ہیلپ ڈیسک بھی قائم کیا ہے۔