مصطفیٰ عامر قتل کیس: محکمہ پراسیکیوشن کا پولیس انویسٹی گیشن پر عدم اطمینان کا اظہار

کراچی: شہر قائد میں دوست کے ہاتھوں اغوا کے بعد قتل کیے جانے والے مصطفیٰ عامر کے کیس میں محکمہ پراسیکیوشن نے پولیس انویسٹی گیشن پر عدم اطمینان کا اظہار کیا ہے۔
میڈیا رپورٹس کے مطابق محکمہ پراسیکیوشن نے انویسٹی گیشن پر عدم اطمینان کے باعث کیس کے تفتیشی افسر سے پیش رفت رپورٹ طلب کرلی۔
 محکمہ پراسیکیوشن نے تفتیشی افسر سے کہا کہ ارمغان کے خلاف درج 4 مقدمات میں اب تک کیا پیش رفت ہوئی رپورٹ جمع کروائی جائے اور بتایا جائے کیس میں ملزمان سے اب تک کیا انویسٹی گیشن ہوئی ہے۔
محکمہ پراسیکیوشن نے مزید کہا کہ بتایا جائے کیس میں اب تک کتنے گواہان کے بیانات ریکارڈ کیے اوریہ بھی بتایا جائے کہ کیس میں ڈی این اے اور فنگر پرنٹس وغیرہ کا فارنزک شروع ہوا یا نہیں،پراسیکیوشن نے مزید کہا کہ انویسٹی گیشن کے دوران سی سی ٹی وی ریکارڈ اور فنانشل ریکارڈ کیا گیا ہے یا نہیں بتایا جائے۔