نامور بالی وڈ گلوکارہ شریا گھوشال کا ایکس اکاؤنٹ ہیک ہو گیا

ممبئی: بالی وڈ کی نامورپلے بیک گلوکارہ شریا گھوشال کا سوشل میڈیا پلیٹ فارم ایکس (سابقہ ٹوئٹر) اکاؤنٹ ہیک ہوگیا ہے۔
ایک اکاؤنٹ ہیک ہونے کے بعد گلوکارہ شریا گھوشال شدید پریشانی کا شکار ہیں۔
 گلوکارہ نے اس حوالے سے انسٹاگرام پر ایک پوسٹ کے ذریعے اپنے مداحوں اور دوستوں کو آگاہ کیا۔
بالی وڈ گلوکارہ شریا گھوشال نے اپنے پیغام میں بتایا کہ ”میرے ایکس اکاؤنٹ کو 13 فروری سے ہیک کیا گیا ہے، اور میں نے اس معاملے کو حل کرنے کے لیے پوری کوشش کی ہے، لیکن ابھی تک ایکس کی ٹیم سے کوئی جواب نہیں آیا۔“

 

 

 

 

 

View this post on Instagram

 

 

 

 

 

 

 

 

 

 

 

A post shared by shreyaghoshal (@shreyaghoshal)

انہوں نے مزید کہا کہ اس وقت وہ اپنے اکاؤنٹ میں لاگ ان نہیں ہو پارہیں جس کی وجہ سے وہ اسے ڈیلیٹ بھی نہیں کر سکتیں۔
گلوکارہ نے اپنے مداحوں سے اپیل کی کہ وہ ہیک شدہ اکاؤنٹ سے آنے والے کسی بھی پیغام پر یقین نہ کریں اور کسی بھی مشتبہ لنک کو نہ کھولیں، کیونکہ یہ ایک فراڈ ہو سکتا ہے۔