وزارت مذہبی امورنےحج آپریشن کا شیڈول جاری کر دیا

اسلام آباد:وزارت مذہبی امورنےحج آپریشن کا شیڈول جاری کر دیا۔
وزارت مذہبی امورذرائع کے مطابق پاکستان سے حج آپریشن کا شیڈول جاری کردیا گیا، جس کے تحت پہلی حج پرواز یکم مئی کو جبکہ آخری 30 مئی 2025 کو روانہ ہوگی۔
حج پروازوں کا شیڈول 10 اپریل تک جاری کئے جانے کی توقع ہے۔
وزارت مذہبی امور کی جانب سے مزید بتایا گیا ہے کہ اس دفعہ پی آئی اے، سعودی ایئر لائن سمیت 5 ایئر لائنز حج آپریشن میں حصہ لیں گی۔
ذرائع کے مطابق سرکاری اسکیم کے تحت تقریباً 89 ہزار پاکستانی عازمین حجاج مقدس جائیں گے، سال رواں ایک لاکھ 79 ہزار 210 پاکستانی عازمین فریضہ حج ادا کریں گے۔