معروف افسانہ نگار و سینیئر صحافی مسعود اشعر انتقال کر گئے

تفصیلات کے مطابق مسعود اشعر کا شمار اردو کے مایہ ناز  فکشن نگاروں میں کیا جاتا تھا، فکشن کے علاوہ وہ ایک کہنہ مشق صحافی، مترجم  اور کالم نگار بھی تھے۔ مسعود اشعر کے انتقال کی تصدیق ان کے داماد حسان نےکی ہے۔ ان  کی نماز جنازہ  آج صبح 10 بجے بی بلاک ڈی ایچ اے لاہور میں ادا کی جائے گی۔مسعود اشعر کو ان کی ادبی خدمات پر 2015ء میں ستارہ امتیاز سے بھی نوازا گیا۔

وزیراعلی پنجاب سردار عثمان بزدار نے معروف افسانہ نگار و سینیئر صحافی مسعود اشعرکے  انتقال پر گہرے دکھ اور رنج کا  اظہار  کیا ہے ۔