قلات : مسافر بسوں میں خوفناک تصادم، 6 افراد جاں بحق ، متعدد زخمی

 قلات میں دو مسافر بسوں میں خوفناک تصادم کے نتیجے میں چھ افراد جاں بحق اور بیس سے زائد مسافر زخمی ہوگئے ہیں ۔

تفصیلات کے مطابق قلات میں دو مسافر بسیں ٹکرا گئیں ، جس کے نتیجے میں چھ افراد جاں بحق اور بیس سے زائدمسافر زخمی ہوگئے۔

ٹریفک حادثہ قلات میں ریج کے مقام پر پیش آیا، حادثے کے بعد ڈی ایچ کیو قلات میں ایمرجنسی نافذ کر دی گئی اور پندرہ زخمیوں کوڈی ایچ کیواسپتال منتقل کردیاگیا، ہے۔

واضح رہے کہ ایک بس کراچی سے کوئٹہ اور دوسری کوئٹہ سے کراچی جارہی تھی۔

ریسکیو حکام نے بتایا تھا کہ حادثہ قلات کے علاقے سنگداس میں تیز رفتاری کےباعث پیش آیا، جہاں ٹوڈی کار مخالف سمت سے آنے والے ٹرالرسےٹکرا گئی۔

گذشتہ ماہ  بھی قومی شاہراہ پر افسوسناک حادثہ پیش آیا تھا، جہاں ٹریلراور کارمیں تصادم کے نتیجے میں کار سوار چار افراد جاں بحق ہوگئے تھے۔