پولیس نے ڈیم سینٹرل اسکوائر کے قریب چاقو کے حملے کے محرک کے بارے میں کچھ بتانے سے انکار کرتے ہوئے کہا کہ ان کی تحقیقات جاری ہیں۔


نیدرلینڈز کے دارالحکومت ایمسٹرڈیم کے قلب میں ایک شخص نے چاقو کے حملے میں دو امریکی شہریوں سمیت 5 افراد کو زخمی کردیا جن میں سے 2 کی حالت تشویشناک ہے۔
خبر رساں ایجنسی ’اے ایف پی‘ کی رپورٹ کے مطابق پولیس نے اس سے قبل چار شدید زخمیوں کی تعداد بتائی تھی، لیکن ایسا لگتا ہے کہ الجھن اس حقیقت کے نتیجے میں پیدا ہوئی کہ ملزم خود بھی زخمی ہوا تھا۔
ایمسٹرڈیم پولیس نے ’ایکس‘ پر بیان میں کہا کہ ’اپ ڈیٹ: آج دوپہر کو چاقو سے حملے کے واقعے میں چار نہیں بلکہ پانچ افراد زخمی ہوئے تھے۔ اس کے علاوہ، مشتبہ شخص خود بھی زخمی ہوا ہے۔
ان کا کہنا تھا کہ وہ اس امکان پر غور کر رہے ہیں کہ مشتبہ شخص نے بےترتیب طور پر متاثرین کو نشانہ بنایا ہو، لیکن اصل مقصد اب تک نامعلوم ہے۔
پولیس نے ڈیم سینٹرل اسکوائر کے قریب چاقو کے حملے کے محرک کے بارے میں کچھ بتانے سے انکار کرتے ہوئے کہا کہ ان کی تحقیقات جاری ہیں۔
حکام نے زخمیوں کی مدد کے لیے ایک ٹراما ہیلی کاپٹر ڈیم سینٹرل اسکوائر پر بھیجا تھا۔ پولیس نے بتایا کہ دو شدید زخمی اس وقت ہسپتال میں زیر علاج ہیں۔
حکام نے بتایا کہ ’مشتبہ شخص کو ایک شہری کی مدد سے قابو کیا گیا۔ اس کی ٹانگ پر چوٹ لگنے کی وجہ سے اسے ہسپتال لے جایا گیا ہے۔
پولیس ترجمان زخمیوں کی حالت کے بارے میں معلومات دینے سے قاصر رہے۔
حکام نے بتایا کہ متاثرین میں ایک 67 سالہ خاتون اور ایک 69 سالہ مرد شامل ہیں جن کا تعلق امریکا سے ہے، پولینڈ کا ایک 26 سالہ مرد، بیلجیئم کی 73 سالہ خاتون اور ایمسٹرڈیم کی ایک 19 سالہ خاتون شامل ہیں۔
پولیس کے ترجمان نے پہلے صحافیوں کو بتایا تھا کہ مشتبہ شخص کو طبی امداد دی جا رہی ہے اور اس سے بعد میں پوچھ گچھ کی جائے گی۔
جائے وقوع پر موجود ’اے ایف پی‘ کے رپورٹر نے بتایا کہ زخمیوں کو جائے وقوع سے نکال لیا گیا ہے لیکن پولیس کی بھاری نفری اور ایمبولینسز اب بھی موجود ہیں۔

باجوڑ،پھاٹک میلہ گراونڈ کے قریب بم دھماکا، اسسٹنٹ کمشنر سمیت 4 افراد شہید، 11 زخمی
- ایک گھنٹہ قبل

جسٹس منصور علی شاہ کا ججز کی سنیارٹی کے تعین کے معاملے پر تحفظات کا اظہار
- 3 گھنٹے قبل

بھارت میں مذہبی آزادی پر ایک اور وار، لاؤڈ اسپیکر کے ذریعے اذان دینے پر پابندی
- 3 گھنٹے قبل

قازقستان نے عوامی مقامات پر خواتین کے نقاب پہننے پر پابندی عائد
- 6 گھنٹے قبل

پاکستان اسٹاک ایکسچینج میں تیزی کا سلسلہ برقرار، انڈیکس بلند ترین سطح پر پہنچ گیا
- 5 گھنٹے قبل

ایرانی صدر کا انٹرنیشنل اٹامک انرجی ایجنسی سے تعاون معطلی کا اعلان
- 3 گھنٹے قبل

امریکی سینیٹ نے بگ بیوٹی فل بل کی منظوری دیدی
- 6 گھنٹے قبل

نیپرا کا یکم جولائی سے بجلی کے بنیادی ٹیرف میں کمی کا اعلان
- 2 گھنٹے قبل

الیکشن کمیشن نے قومی اور چاروں صوبائی اسمبلیوں کی مخصوص نشستیں بحال کردیں
- 32 منٹ قبل

الیکشن کمیشن نے سیاسی جماعتوں سے گوشواروں کی تفصیلات طلب کرلیں
- 7 منٹ قبل

دریائے سوات کے کنارے تجاوزات کے خلاف آپریشن جاری،65 دکانیں، ہوٹل اور پارک مسمار
- 5 گھنٹے قبل

ایئر چیف مارشل ظہیر بابر سدھوکا دورہ امریکا، اہم سول اور عسکری حکام سے ملاقاتیں
- 3 گھنٹے قبل