سوات اور مینگورہ کے گرد ونواح میں زلزلے کے جھٹکے،شہریوں میں خوف ہراس

صوبہ خیبر پختونخوا کے شہر سوات، مینگورہ شہر اور اس کے گردونواح میں زلزلے کے جھٹکے محسوس کیے گئے، جس کے باعث شہریوں میں خوف و ہراس پھیل گیا اور وی خوفزدہ ہو کر گھروں اور عمارتوں سے باہر نکل آئے۔ 
 زلزلہ پیما مرکز کے مطابق زلزلے کی شدت ریکٹر اسکیل پر 4.2 ریکارڈ کی گئی، جبکہ اس کی زیر زمین گہرائی 64 کلومیٹر تھی۔
 زلزلے کا مرکز ہندوکش ریجن کے پہاڑی سلسلے میں واقع تھا، جو ماضی میں بھی زلزلوں کا مرکز رہا ہے۔
دوسری جا نب ریسکیور حکام کا کہنا ہے کہ زلزلے سے ابھی تک کسی جانی یا مالی نقصان کی اطلاع موصول نہیں ہوئی۔