اداکارہ نازش جہانگیر کے خلاف ایک کروڑ روپے کی ریکوری ڈگری معطل

لاہور کی سول عدالت نے اداکارہ نازش جہانگیر کے خلاف ایک کروڑ روپے کی ریکوری ڈگری معطل کردی۔

سول جج ظفر فرید ہاشمی نے نازش جہانگیر کی متفرق درخواست پر تحریری حکم جاری کردیا جس میں عدالت نے لکھا کہ نازش جہانگیر کے وکیل کے مطابق بدنیتی کی بنیاد پر یک طرفہ ڈگری کروائی گی۔

نازش جہانگیر کے خلاف مقدمہ لاہور کے علاقے ڈیفنس کے رہائشی کی درخواست پر درج کیا گیا ہے جس نے الزام عائد کیا تھا کہ اداکارہ نے شوبز انڈسٹری میں مواقع فراہم کرنے کا جھانسہ دے کر اس سے لاکھوں روپے اور قیمتی گاڑی ہتھیالی۔

عدالت نے کاروائی کرتے ہوئے ایک کروڑ روپے کی ڈگری معطل کردی۔