کراچی سمیت ملک بھر کے صارفین کی لیے بجلی کی قیمتو ں میں کمی،نوٹیفکیشن جاری 

اسلام آباد:کراچی سمیت ملک بھرکے صارفین کے لیے بجلی کی قیمتوں میں کمی کی منظوری دے دی گئی۔
اس حوالے سے نیشنل الیکٹرک پاور ریگولیٹری اتھارٹی (نیپرا) کی جانب سے نوٹیفکیشن جاری کر دیا گیا ہے۔
نیپرا کی جانب سے جاری کر دہ نوٹیفکیشن کے مطابق ملک بھر کے صارفین کے لیے بجلی کی قیمت میں ایک روپے 71 پیسے فی یونٹ کمی کی منظوری دے دی گئی ہے۔
حکومت کی جانب سے ٹیرف ڈیفرینشل سبسڈی بڑھانے کے لیے نیپرا سے درخواست کی گئی تھی ، جس پر نیپرا نے 4 اپریل کو سماعت کی تھی۔
بجلی کی قیمتوں میں حالیہ کمی کا اطلاق اپریل سے جون تک 3 ماہ کے لیے ہوگا ۔ سرکاری ڈسکوز اور کے الیکٹرک صارفین بھی  اس ریلیف سے مستفید ہوں گے۔
نوٹیفکیشن کے مطابق لائف لائن صارفین کے علاوہ تمام صارفین کو سبسڈی دی جائے گی۔