لالی وڈ کی نئی فلم’’ نواں سیاپا‘‘ کی شوٹنگ جاری ،کب ریلیز ہو گئی؟

لاہور:لالی وڈ کی نئی فلم’ ’نواں سیاپا ‘‘کی لاہور میں شوٹنگ جاری ہے،جس کی نمایاں کاسٹ میں اداکار احمد علی بٹ ، آغا ماجد، سلیم البیلا اور ملائیکہ علی سمیت دیگر شامل ہیں۔
پاکستان اور یوکے پروڈکشن کے تعاون سے تیار ہونیوالی پنجابی فلم’’ نواں سیاپا‘‘ کی شوٹنگ کا آغاز لاہور کے علاقے ٹکسالی گیٹ سے ہو ا جس میں اداکار احمد علی بٹ، آغا ماجد، سلیم البیلا رانا اعجاز، عابد لی، شانی ذیشان سمیت دیگر فنکاروں نے شوٹنگ میں حصہ لیا اور فلم کو انڈسٹری کیلئے اچھا قدم قرار دیا۔

 فلم  کے ڈائریکٹر شاہ بلال اور دیگر فنکاروں کا کہنا تھا کہ عوام کی پسند کو مدنظر رکھتے ہوئے کوشش کریں گے اچھی فلم پیش کر سکیں اس میں پوری ٹیم کی لگن شامل ہے۔
 کامیڈی اور رومانس سے بھرپور فلم عید الضحیٰ پر سینما گھروں کی زینت بنے گی۔