مہنگا سونا ہزاروں روپے سستا ،فی تولہ کتنے کا ہو گیا؟

کراچی: عالمی اور مقامی مارکیٹ میں سونے کی قیمتوں میں آج بڑی کمی ریکارڈ کی گئی۔
آل پاکستا ن جیمز اینڈجیولرز ایسوسی ایشن کے مطابق کاروباری ہفتے کے چوتھے روز ملک میں فی تولہ سونے کی قیمت میں 6ہزار 700روپے کی بڑی کمی ریکارڈ کی گئی ہے جس کے بعد سونے کی نئی قیمت  3لاکھ 35ہزار 200روپے کی سطح پر آگئی۔
اسی طرح دس گرام سونے کی قیمت میں 5ہزار 745روپے کی کمی دیکھی گئی جس کے بعد ملک میں 10 گرام سونے کی نئی قیمت  2لاکھ 87ہزار 379روپے کی سطح پر پہنچ گئی۔
دوسری جانب عالمی بلین مارکیٹ میں فی اونس سونے کی قیمت 67ڈالر کی کمی دیکھی گئی جس کے بعد عالمی مارکیٹ میں سونے کی نئی قیمت  3ہزار 168ڈالر کی سطح پر آگئی۔