عالمی جوہری توانائی ایجنسی نے پاکستان کی ایٹمی تنصیبات کو محفوظ قرار دے دیا

پاکستان کی تمام ایٹمی سائٹس کو عالمی ایٹمی توانائی ایجنسی  نےمحفوظ قرار  دیدیا۔

آئی اے ای اے نے کہا ہے کہ بھارت کے حملوں کے دوران پاکستان کی تمام ایٹمی تنصیبات محفوظ رہیں، پاکستان کی جوہری تنصیبات سے کوئی تابکاری خارج نہیں ہوئی۔ پاکستانی فوج کے ہاتھوں درگت بننےکے بعد بھارت نے جھوٹا پروپیگنڈا شروع کیا تھا۔بھارت کے میزائل حملوں کے دوران پاکستان کی میزائل تنصیبات مکمل محفوظ رہیں اور پاکستانی جوہری تنصبات سے تابکاری خارج نہیں ہوئی۔

واضح رہے کہ  آپریشن بنیان مرصوص کے دوران بھارت میں نہ صرف براہموس میزائلوں کے ٹھکانے تباہ ہوئے تھے، بلکہ ایس 400 میزائل دفاعی نظام بھی تباہ و برباد ہوکر رہ گیا تھا۔پاکستانی شاہینوں نے بھارت کے آپریشن سندور کے دوران 3 رافیل سمیت بھارت کے 6 طیارے مار گرائے تھے، جس کے بعد مودی سرکار کو عوام کی شدید تنقید کاسامنا تھا۔

دوسری جانب عوام کی توجہ ناکامیوں سے ہٹانے کے لیے مودی حکومت نے پاکستان کی جوہری تنصیبات کونقصان پہنچنے کا جھوٹا دعویٰ کیا تھا۔