اسپین: غزہ بحران پر یورپی اور عرب وزرائے خارجہ کا اجلاس آج ہوگا

میڈرڈ: اسپین میں غزہ بحران پر یورپی اور عرب وزرائے خارجہ کا اجلاس آج ہوگاجس میں جنگ روکنے پر غور کیا جائے گا۔
غیر ملکی میڈیا رپورٹس کے مطابق ہسپانوی وزیر خارجہ نے کہا کہ غزہ میں جنگ روکنے کے لیے اسرائیل پر پابندیوں پر غور کرنا چاہیے،ان کا مزید کہنا تھا کہ یورپی یونین اسرائیل پر ہتھاروں کی پابندی سمیت ہر قسم کے تعاون کو معطل کر دے۔
غزہ میں اسرائیل کی غیرانسانی اور احمقانہ جنگ کو روکنا ہوگا۔ مزید کہا گیا کہ غزہ میں امداد کی تقسیم پر اسرائیل کا کنٹرول ختم کیا جائے۔
دوسری جانب ؤ اسرائیل کی غزہ میں دہشتگردی جاری ہے، غزہ کے اسکول پر اسرائیلی فوج نے رات کو فضائی حملہ کیا جس کے نتیجے میں 20 فلسطینی شہری شہید اور درجنوں زخمی ہوگئے،جبکہ کئی ہزار بے گناہ افراد اسکولوں میںپناہ لینے پر مجبور ہیں۔
واضح رہے کہ نسل کشی مہم کے لیے اسرائیلی فوج غزہ کے 70 فیصد علاقے پر قابض ہے۔