چینی فوج کا امریکی بحریہ کے جنگی بیڑے کو بھگا نے کا دعوی

چینی فوج کی جانب سے جاری کردہ بیان میں کہا گیا ہے  چین کی سمندری حدود اور قومی سلامتی کی خلاف ورزی پر امریکی بحری جنگی بیڑے یو ایس ایس بینفولڈ کو  پیریسل جزیرے کے قریب سے بھگایا ہے۔چینی  فوج کی  جانب سے  امریکا پر زور دیا گیا ہے کہ  اشتعال انگیز اقدامات فوری طور پر روکے جائیں۔

دوسری جانب امریکا بحریہ کی سیونتھ فلیٹ  نے ایک بیان میں کہا ہے کہ چین کی جانب سے قومی سلامتی کی خلاف ورزی کا دعوی سراسر غلط اور بے بنیاد ہے۔ بین الاقوامی قوانین کے مطابق بینفولڈ کو متنازع پیریسل جزیرے میں جانے کا حق حاصل تھا ۔

امریکی حکام  کا کہنا ہے کہ بین الاقوامی قوانین کے تحت جہاں اجازت ہے امریکا وہاں ہوائی اور بحری سفر جاری رکھے گا۔