طالبان نے افغان فورسز کے سرنڈر کرنیوالے 22 کمانڈوز کوقتل کردیا

غیر ملکی خبر رساں ادارے کے مطابق افغان طالبان نے  امریکی انخلا کے بعد ملک کے قبضے کی لڑائی میں سفاکی کی نئی مثال قائم کردی ۔ سولہ جون کو نہتے 22 کمانڈوز کے قتل کی ویڈیو سامنے آ گئی ۔

  فاریاب صوبے کے شہر دولت آباد  سے سامنے آنے والی ویڈیو میں  طالبان کی طرف سے کمانڈوز کو سرنڈر کا حکم دیا جاتا سنائی دیتا ہے ۔ ایک عمارت سے کمانڈوز خالی ہاتھ باہر آتے ہیں اور طالبان جنگجو فائرنگ شروع کر دیتے ہیں ۔

فاریاب میں افغان طالبان نے افغان فورسز کے کمانڈوز کے قتل کے بعد لاشیں سڑک پر چھوڑدیں ۔ فائرنگ سے پہلے ایک راہگیر طالبان کی منت کرتا سنائی دیتا ہے کہ انہیں چھوڑ دو ، پشتون ہو کر تم کیسے افغانوں کا قتل کر سکتے ہو ۔

  ریڈ کراس نے اس واقعہ میں 22 ہلاکتوں کی تصدیق کی ہے ۔