اسلام آباد : خاتون کو نازیبا تصویر بنا کر بلیک میل کرنے کا ایک اور واقعہ سامنے آگیا

تفصیلات کے مطابق خاتون کا کہنا ہے کہ ملزم حفیظ اور صبور تصاویر کے ذریعے بلیک میل کرتے تھے ملزم  راولپنڈی چکری روڈ کے رہائشی ہیں، ملزمان نازیبا تصاویر اہل خانہ اور محلے داروں کو بھیجتے تھے۔ ملزمان محلے کی دیواروں پر  بھی  تصاویر چسپاں کرتے ہیں ۔

تھانہ آبپارہ پولیس کی بروقت کارروائی، اسلام آباد آبپارہ پولیس نے جی سیون کی  رہائشی  خاتون کی مدعیت میں مقدمہ درج کر لیا ہے مقدمے میں سنگین نوعیت کی دفعات شامل کر دی گئی ہیں ، پولیس حکام کا کہنا ہے کہ ملزمان کی گرفتاری کے لئے خصوصی ٹیمیں تشکیل دے دی گئی ہیں ۔

یاد رہے کہ اس سے پہلے بھی اسلام آباد میں اسی طرح کا ایک واقعہ رونما ہوا تھا جس میں بااثر افراد نے لڑکا اور لڑکی کو تشدد کا نشانا بنایا تھا اور ملزمان ویڈیو کے ذریعے متاثرین کو بلیک میل بھی کرتے تھے ۔ جب ویڈیو وائرل ہوئی تو پولیس نے ایکشن لیتے ہوئے ملزمان کو گرفتار کر لیا تھا ۔