سونے کی قیمت میں بڑی کمی؛ فی تولہ نرخ 3000 روپے کم ہو گئے

عالمی اور مقامی گولڈ مارکیٹس میں ایک روزہ وقفے کے بعد سونے کی قیمت میں نمایاں کمی ریکارڈ کی گئی ہے، جس سے زیورات کے خریداروں میں خوشی کی لہر دوڑ گئی ہے۔

صرافہ بازار کے مطابق، 24 کیرٹ فی تولہ سونا 3000 روپے کی کمی کے بعد 3 لاکھ 51 ہزار 500 روپے پر آ گیا ہے۔ اسی طرح 10 گرام سونا بھی 2572 روپے سستا ہو کر 3 لاکھ 1 ہزار 354 روپے میں دستیاب ہے۔

ماہرین کے مطابق، سونے کی قیمت میں یہ کمی بین الاقوامی منڈیوں میں ہونے والی تبدیلیوں اور ملکی معیشت پر پڑنے والے عالمی اثرات کے باعث ہوئی ہے۔

عالمی مارکیٹ میں بھی سونا سستا ہوا ہے، جہاں فی اونس سونے کی قیمت 33 ڈالر کم ہو کر 3292 ڈالر پر پہنچ گئی ہے۔