تیسرا ٹی20: بنگلادیش کا ٹاس جیت کر پاکستان کے خلاف پہلے فیلڈنگ کا فیصلہ

بنگلادیش نے پاکستان کے خلاف تین میچوں کی ٹی ٹوئنٹی سیریز کے تیسرے اور آخری میچ میں ٹاس جیت کر پہلے فیلڈنگ کا فیصلہ کیا ہے۔

بنگلادیشی ٹیم میں پانچ جبکہ پاکستانی ٹیم میں دو تبدیلیاں کی گئی ہیں۔

پاکستانی ٹیم کی جانب سے صاحبزادہ فرحان اور حسین طلعت کو پلیئنگ الیون میں شامل کیا گیا ہے۔

قومی ٹیم کے کپتان سلمان علی آغا نے میڈیا سے گفتگو کرتے ہوئے کہا کہ فخر زمان اور خوشدل شاہ کو آرام دیا گیا ہے۔ ان کا کہنا تھا کہ ہم آخری میچ میں عمدہ کارکردگی دکھانے کی کوشش کریں گے۔

واضح رہے کہ تین میچوں کی اس سیریز میں بنگلادیش کو پاکستان کے خلاف 0-2 کی فیصلہ کن برتری حاصل ہے۔