ایشیا کپ سے قبل پاکستان،افغانستان اور یواے ای کے مابین ٹرائی سیریز کھیلی جائے گی

لاہور: چئیرمین پاکستان کرکٹ بورڈ (پی سی بی) محسن نقوی کا کہنا ہےکہ ایشیا کپ 2025 سے قبل پاکستان ،افغانستا ن اور یو اے ای کی ٹیمیںدبئی میں ہونے والی ٹرائی سیریز میں شرکت کریں گی۔

تفصیلات کے مطابق میڈیا سے گفتگوکرتے ہوئے چئیر مین پی سی بی محسن نقوی نے کہا کہ آج ایشین کرکٹ کونسل( اے سی سی) کا اجلاس کامیاب رہا جس میں تمام 25 ممالک شریک ہوئے۔

میڈیا سے گفتگو میں ان کا کہنا تھا کہ ایشین کرکٹ کونسل بھارت کے رابطے میں ہے جلد ایشیا کپ کی تاریخوں کا اعلان کیا جائے گا۔

انہوں نے مزید کہا کہ انڈین کرکٹ بورڈ سپانسر کمپنیز کے ساتھ معاملات طے کرکے ایشیا کپ کے حوالے سے ایشین کرکٹ کونسل کو آگاہ کریں گے۔

میڈیا سے گفتگو کرتے ہوئے ان کا کہنا تھا کو کہ اے سی سی پلیٹ فارم میں سیاست نہیں ہونی چاہیے،ہمیں کرکٹ کی بہتری کیلیے کرم کرنا چاہیے،سب رکن ممالک اس بار پر متفق ہیں۔