پاکستان، افغانستان اور یو اے ای کے درمیان سہ فریقی ٹی ٹوئنٹی سیریز کا شیڈول جاری

پاکستان، افغانستان اور متحدہ عرب امارات (یو اے ای) کے درمیان سہ فریقی ٹی ٹوئنٹی سیریز کا شیڈول جاری کر دیا گیا ہے، جو 29 اگست سے 7 ستمبر تک شارجہ کے تاریخی کرکٹ اسٹیڈیم میں منعقد ہوگی۔

سیریز کا آغاز 29 اگست کو پاکستان اور افغانستان کے مابین میچ سے ہوگا۔ تینوں ٹیمیں ایک دوسرے کے خلاف دو، دو میچز کھیلیں گی، جبکہ پوائنٹس ٹیبل کی سرفہرست دو ٹیمیں 7 ستمبر کو فائنل میں مدمقابل آئیں گی۔

میچز کا مکمل شیڈول کچھ یوں ہے:

• 29 اگست: افغانستان بمقابلہ پاکستان

• 30 اگست: یو اے ای بمقابلہ پاکستان

• 1 ستمبر: یو اے ای بمقابلہ افغانستان

• 2 ستمبر: پاکستان بمقابلہ افغانستان

• 4 ستمبر: پاکستان بمقابلہ یو اے ای

• 5 ستمبر: افغانستان بمقابلہ یو اے ای

• 7 ستمبر: فائنل (پوائنٹس ٹیبل کی ٹاپ 2 ٹیموں کے درمیان)

یہ سیریز نہ صرف ایشیا کپ سے قبل تینوں ٹیموں کو اہم تیاری کا موقع فراہم کرے گی، بلکہ نوجوان کھلاڑیوں کے لیے بھی خود کو منوانے کا بہترین موقع ہوگی۔

پاکستان اور افغانستان کے درمیان ہونے والے مقابلے ہمیشہ جذبات سے بھرپور اور سخت مقابلے کی علامت رہے ہیں، جبکہ میزبان یو اے ای بھی اپنی کنڈیشنز میں کسی بھی ٹیم کو حیران کرنے کی صلاحیت رکھتی ہے۔