امریکی ریاست مونٹانا میں نامعلوم مسلح حملہ آور کی فائرنگ، 4 افراد ہلاک

مونٹانا: امریکی ریاست مونٹانا کےایک بار میں ہونے والی فائرنگ کے واقعے میں کم از کم چار افراد ہلاک ہو گئے۔

امریکی میڈیا رپورٹ کے مطابق امریکی ریاست مونٹانا کے علاقے اناکانڈا میں یہ فائرنگ کا واقعہ پیش آیا ہے جس کے نیتجے میں کم از کم چار افراد ہلاک ہو گئے۔

مونٹانا پولیس کے مطابق فائرنگ کے واقعے کے بعد علاقے میں خوف وہراس پھیل گیا اور مشتبہ حملہ آورکی تلاش جاری ہے کئی رہائشی علاقوں کو سیل کردیا گیا ہے۔

امریکی حکام کے مطابق حملہ آور کو اناکانڈا کے مغرب میں واقع اسٹمپ ٹاؤن کے علاقے میں دیکھا گیا ہے، پولیس اور سیکیورٹی ادارے علاقے کی مکمل نگرانی کر رہے ہیں۔

شہریوں کو گھروں میں رہنے کی ہدایت دی گئی ہے، واقعے کے محرکات فوری طور پر سامنے نہیں آ سکے۔