ورلڈ چیمپئن شپ آف لیجنڈز کا فائنل: پاکستان چیمپئنز نے جنوبی افریقہ کو 196 رنز کا ہدف دے دیا

انگلینڈ کے شہر برمنگھم میں جاری ورلڈ چیمپئن شپ آف لیجنڈز (WCL) کے فائنل میں پاکستان چیمپئنز نے جنوبی افریقہ چیمپئنز کو فتح کے لیے 196 رنز کا ہدف دیا ہے۔

ایجبیسٹن گراؤنڈ میں کھیلے جانے والے اس اہم مقابلے میں پاکستان چیمپئنز نے ٹاس جیت کر پہلے بیٹنگ کرتے ہوئے مقررہ اوورز میں 5 وکٹوں کے نقصان پر 195 رنز بنائے۔

شرجیل خان کی دھواں دھار اننگز: 
اوپنر شرجیل خان نے شاندار بلے بازی کرتے ہوئے 44 گیندوں پر 76 رنز بنائے، جس میں 9 چوکے اور 4 چھکے شامل تھے۔ ان کی جارحانہ اننگز نے ٹیم کی بنیاد مستحکم کی۔

اختتامی اوورز میں عمر امین اور آصف علی نے جارحانہ کھیل پیش کرتے ہوئے ٹیم کا اسکور تیزی سے آگے بڑھایا ، عمر امین: 19 گیندوں پر 38 رنز (ناٹ آؤٹ) ، آصف علی: 15 گیندوں پر 28 رنز (ناٹ آؤٹ)

شعیب ملک نے 20 رنز بنائے ، کپتان محمد حفیظ 17 رنز بنا کر پویلین لوٹے ۔ 

وائن پارنیل اور ہارڈس ویلجوئن نے 2،2 وکٹیں حاصل کیں اور نسبتاً بہتر بولنگ کا مظاہرہ کیا، تاہم پاکستانی بیٹرز کی جارحانہ بیٹنگ نے ہدف کو تقریباً 200 کے قریب پہنچا دیا۔