عالمی و مقامی مارکیٹ میں سونے کی قیمتوں میں بڑا اضافہ

عالمی و مقامی مارکیٹ میں سونے کی قیمتوں میں نمایاں اضافہ ریکارڈ کیا گیاجس کے بعد پاکستان میں فی تولہ سونا مزید مہنگا ہوگیا۔

تفصیلات کے مطابق بین الاقوامی بلین مارکیٹ میں فی اونس سونے کی قیمت 20 ڈالر بڑھ کر 3 ہزار 345 ڈالر کی سطح پر پہنچ گئی جبکہ عالمی سطح پر قیمتوں میں اضافے کے اثرات مقامی صرافہ مارکیٹ پر بھی پڑےجہاںجمعرات کو سونے کی قیمتوں میں تیزی کا رجحان دیکھا گیا۔

مقامی مارکیٹ میں 24 قیراط فی تولہ سونا 2000 روپے اضافے کے بعد 3 لاکھ 57 ہزار 200 روپے کا ہوگیاہے، اسی طرح فی 10 گرام سونا بھی 1715 روپے اضافے کے بعد 3 لاکھ 06 ہزار 241 روپے کی سطح پر پہنچ گیا۔

اس کے علاوہ چاندی کی قیمتوں میں بھی نمایاں اضافہ ہوا، فی تولہ چاندی 78 روپے اضافے کے بعد 4 ہزار 13 روپے جبکہ فی 10 گرام چاندی 67 روپے بڑھ کر 3 ہزار 440 روپے ہو گئی۔