چین میں زیر تعمیر پل گر گیا، 21افراد جاں بحق متعدد لاپتہ

چین کے صوبے چنھگائی میں ییلو ریور (Yellow River) پر زیرِ تعمیر پل کا درمیانی حصہ گرگیا جس کے نتیجے میں 21افراد جاں بحق جبکہ 4 لاپتہ ہوگئے۔

چینی میڈیا رپورٹس کے مطابق واقعہ اس وقت پیش آیا جب پل کی تعمیر کے دوران اسٹیل کیبل اچانک ٹوٹ گئی جس کے باعث پل کا درمیانی حصہ ٹوٹ کر دریا میں جا گرا۔

میڈیا رپورٹس کے مطابق حادثے کے وقت پندرہ مزدور اور ایک پروجیکٹ مینیجر موقع پر موجود تھے،ابتدائی طور پر 7 افراد کی ہلاکت کی اطلاع دی گئی تھی تاہم بعد میں یہ تعداد 21 تک پہنچ گئی جبکہ چار افراد تاحال لاپتہ ہیں جن کی تلاش کے لیے سرچ آپریشن جاری ہے۔

میڈیا رپورٹ کے مطابق حادثےکے نتیجے میں زخمی ہونے والے افراد کو علاقے کے قریبی اسپتالوں میں منتقل کر دیا گیا ہے جہاں ان کو بہتر طبی امداد دی جار رہی ہے۔

چین کے سرکاری نشریاتی ادارے سی سی ٹی وی کی جاری کی گئی ایک ویڈیو میں پل کے محرابی حصے کو اچانک ٹوٹتے ہوئے اور نیچے دریا میں گرتے ہوئے دکھایا گیا۔