کراچی: بارش کے دوران خاتون سے نازبیا حرکت کرنے والا ملزم گرفتار

کراچی: پولیس نے شہر قائد کے علاقےجمشید کوارٹرز کے قریب بارش کے دوران خاتون سے نازیبا حرکت کرنے والے ملزم کو گرفتار کرلیا گیا۔

تفصیلات کے مطابق پولیس نے بتایا کہ ملزم کی گزشتہ روز شدید بارش کے دوران ایک ویڈیو وائرل ہوئی تھی، جس میں ایک شخص کو راہ چلتی خاتون کے ساتھ نازیبا حرکت کرتے دیکھا جاسکتا تھا۔

پولیس کی ابتدائی تفتیش کے مطابق یہ واقعہ ڈسٹرکٹ ایسٹ جمشید ٹاؤن کے علاقے میں پیش آیا تھا، ویڈیو منظر عام پر آنے کے بعد ایسٹ پولیس نے ملزم کی تلاش شروع کی۔ ویڈیو کی بنیاد پر پولیس نے ملزم کی شناخت کی اور کارروائی کرتے ہوئے اسے گرفتار کرکے مقدمہ درج کرلیا گیا تھا۔

مقدمے میں عورت کی عصمت دری کی دفعہ شامل کی گئی ہے جبکہ ملزم کو شاملِ تفتیش کرنے کے بعد عدالت میں پیش کیا جائے گا۔
 ابتدائی معلومات کے مطابق ملزم کی شناخت محب اللہ ولد شمس الحق کے نام سے ہوئی ہے۔