انگلینڈ نے پاکستان کو جیت کیلئے 201 رنز کا ہدف دے دیا

تفصیلات کے مطابق دوسرے ٹی ٹوئنٹی میچ میں  پاکستان نے انگلینڈ کے خلاف ٹاس جیت کر فیلڈنگ کا فیصلہ کیا ، انگلش ٹیم نے پہلے کھیلتے ہوئے دس وکٹوں کے نقصان پر 200رنز کیے ہیں ۔ انگلش ٹیم کے ابتدائی دونوں کھلاڑی 18 کے مجموعی اسکور پر پویلین لوٹ گئے۔

جوز بٹلر، لیام لیونگسٹن اور معین علی نے ذمہ دارانہ کھیل پیش کیا ، انگلش ٹیم کے کپتان جوز بٹلر 59 رنز، لیام لیونگسٹن 38 اور معین علی 36 رنز بناکر نمایاں رہے۔

گرین شرٹس کی جانب سے محمد حسنین نے 3، عماد وسیم اور حارث رؤف نے  2،2 وکٹیں حاصل کیں۔

یاد رہے کہ پاکستان کو تین میچوں کی سیریز میں ایک صفر کی برتری حاصل ہے۔