بھارت :مسافر وین اور ایل پی جی ٹینکر میں تصادم سے 7 افراد جاں بحق،متعدد زخمی

ہوشیارپور:بھارت ریاست پنجاب میں مسافر وین اور ایل پی جی ٹینکر کے درمیان تصادم سے 7 افراد جاں بحق جبکہ متعدد زخمی ہو گئے۔

بھارتی میڈیا کے مطابق یہ افسوسناک واقعہ پنجاب کے ضلع ہوشیار پور میں جالندھر روڈ پر منڈیالہ اڈہ کے قریب پیش آیا جہاں مسافر وین اور ایل پی جی ٹینکر میں تصادم ہوا، جس کے نتیجے میں 7 افراد جاں بحق ہو گئے۔

میڈیا رپورٹس کے مطابق ایل پی جی ٹینکر سڑک پر مُڑنے کی کوشش کررہا تھا کہ اسی دوران مسافر وین کی ٹکر ہوگئی۔

پولیس کے مطابق تصادم کے نتیجے میں آگ بھڑک اٹھی جس کی اطلاع ملتے ہی آگ بجھانے والا عملہ اور ریسکیو ٹیم موقع پر پہنچ گئی۔

پولیس کے مطابق جھلس کر زخمی ہونے والوں کو فوری طبی امداد کے لیے اسپتال روانہ کیا گیا جہاں زخموں کی تاب نہ لاتے ہوئے 7 افرادجاں بحق ہوگئے۔