مشہور یوٹیوبر ڈکی بھائی نے قوم سے معافی مانگ لی

لاہور: مشہور یوٹیوبر سعد الرحمان المعروف ڈکی بھائی نے ماضی میں غیراخلاقی ویڈیوز بنانے کا اعتراف کرتے ہوئے پوری قوم سے معافی مانگ لی۔

تفصیلات کے مطابق عدالت میں پیشی کے موقع پر میڈیا سے گفتگو کرتے ہوئےان کا کہنا تھا کہ انہوں نے کچھ ایپلیکیشنز کی پروموشن کی، بغیر اس بات کی تصدیق کے کہ ان کو پاکستان میں قانونی اجازت ہے یا نہیں، اور اس پر بھی وہ معذرت خواہ ہیں۔

خیال رہے کہ ڈکی بھائی کو چند روز قبل ایف آئی اے نے ایک مبینہ متنازع ’’ٹریڈنگ/گیمبلنگ ایپ‘‘ کی پروموشن کے الزام میں لاہور سے گرفتار کیا تھا۔

ایف آئی اے کے مطابق اس ایپ کے ذریعے شہریوں کو مالی نقصان ہوا، جس پر تحقیقات کا آغاز کیا گیا۔

گرفتاری کے بعد انہیں ریمانڈ پر جیل بھیجا گیا، جہاں گزشتہ روز انہیں دوبارہ پیش کیا گیا تھا۔