سہ ملکی سیریز: افغانستان کا پاکستان کے خلاف ٹاس جیت کر بلے بازی کا فیصلہ

شارجہ: پاکستان ،افغانستان اور متحدہ عرب امارات (یوا ے ای)کے مابین کھیلےجانی والی سہ ملکی ٹی ٹوئنٹی سیریز کے چوتھے میچ میں افغانستان نے پاکستان کے خلاف ٹاس جیت کر بیٹنگ کا فیصلہ کیا ہے۔

ٹاس جیتنے کے بعد کپتان افغانستان کرکٹ ٹیم راشد خان کا کہنا تھا اب ہدف کا تعاقب کرنا مزید مشکل ہوتا جا رہا ہے، اس لیے ہم پہلے بلے بازی کریں گے۔

ان کا مزید کہنا تھا کہ اوس کی موجودگی بولرز کے لیے مشکلات پیدا کرتی ہے لیکن اصل بات اچھا کرکٹ کھیلنے کی ہے اور ہمارے نزدیک 170 سے زائد کا مجموعہ ایک اچھا اسکور ہوگا۔

پاکستان کے کپتان سلمان علی آغا نے کہا کہ وہ بھی ٹاس جیت کر پہلے فیلڈنگ ہی کرتے، افغانستان کے اسپنرز ’مِسٹری بولرز‘ ہیں اور ان کا مقابلہ کرنا ایک بڑا چیلنج ہوگا۔

پاکستان کے اسکواڈ میں شاہین اور حارث رؤف کی آج کے میچ میں واپسی ہوئی ہے، یو اے ای کے خلاف دونوں کو آرام دیا گیا تھا اور ان کی جگہ  حسن علی اور سلمان مرزا کو شامل کیا گیا تھا۔
خیا ل رہے کہ سہ ملکی سیریز کے پہلے ٹی ٹوئنٹی میچ میں پاکستان نے افغانستان کو 39 رنز سے شکست دی تھی۔