لالی وڈ سپر اسٹار معمر رانا فلموں کے بعد اب تھیٹر ڈراموں میں بھی جلوہ گر ہونگے

ویب ڈیسک: پاکستان شوبز اور فلم انڈسٹری کے نامور اداکار معمر رانا اب فلموں کے بعد تھیٹر ڈراموں میں بھی جلوہ گر ہونگے، لالی وڈ سپر اسٹار نیا ڈرامہ ’’یہ چوڑیاں‘‘ میں مرکزی کردار ادا کریں گے۔

تفصیلات کے طابق  محفل تھیٹر لاہور میں  ہدایت کار،رائٹر ڈائریکٹر نسیم وکی  اور دیگر فنکاروں کے ہمراہ پریس کانفرنس کرتے ہوئے معمر رانا نے کہا کہ یہ ایک مشکل فیصلہ تھا لیکن میں ہمیشہ سے ہی چیلنجنگ رول کرتا ہوں۔

ان کا مزید کہنا تھا کہ فلم انڈسٹری میں  طویل عرصہ کام کیا اور عوام نے بے حد محبتوں سے نوازا اس لیے نسیم وکی کے کہنے پر اب تھیٹر کر رہا ہوں اور کوشش ہے اس میں بھی بہتر سے بہتر سکوں۔

اس موقع پر اداکار نسیم وکی نے کہا کہ میں ایک عرصہ سے تھیٹر کو فیملی بنانے کیلئے کوشاں ہوں کئی ایسے ڈرامے اسٹیج کیے جن میں فیملیز دیکھنے کیلئے آئیں اور یہ سلسلہ جاری رہے گا۔ 

ڈرامہ یہ چوڑیاں کی نمایاں کاسٹ میں اداکار معمر رانا، نسیم وکی، اکرم اداس، مناہل خان،فہد اعوان اور دیگر شامل ہیں۔ ڈرامہ چوبیس اکتوبر سے لے کر  تیس اکتوبر تک جاری رہے گا۔