جرمن صنعتی ایریا میں دھماکہ ، 16 زخمی اور 5افراد لاپتہ

غیر ملکی خبر رساں ادارے کے مطابق  دھماکہ مقامی وقت کے مطابق صبح 9.40 بجے ہوا ، جس سے  چیمارک میں واقع فیول ڈپو میں آگ لگ گئی۔ متعدد لوگ زخمی ہیں ، جس میں کم سے کم دو شدید زخمی ہوئے   اور پانچ افراد لاپتہ ہیں ۔

جرمن سول پروٹیکشن ایجنسی کے موبائل فون ایپ پر سائرنز اور ہنگامی انتباہات نے شہریوں کو "انتہائی خطرے" سے خبردار کیا۔

پولیس نے قریبی رہائشیوں سے کہا کہ وہ گھر کے اندر ہی رہیں اور دروازے اور کھڑکیاں بند رکھیں۔ کرینٹا نے کہا کہ انہیں ایئر کنڈیشنگ سسٹم کو بھی بند کردینا چاہئے ۔قریبی  موٹروے بند کردی گئیں ہیں   ۔

30 سے ​​زیادہ کمپنیاں لیورکنسن میں واقع کیمپرک سائٹ پر کام کرتی ہیں ، جس میں کووسٹرو ، بایر ، لانکسیس  شامل ہیں۔