پیسوں کےساتھ لوگوں کےووٹ خریدے گئے :راجہ فاروق حیدر

تفصیلات کے مطابق مسلم لیگ ن کے رہنما راجہ فاروق حیدر کا سابق وزیر اعظم پاکستان شاہد خاقان عباسی کے ہمراہ میڈیا سےگفتگو کرتے ہوئے کہنا تھا کہ آزادکشمیر کےلوگوں کی رائےکوتبدیل کیاجاتاہے،گاڑیاں آتی ہیں پیسے دے کر ووٹ خرید لے جاتے ہیں ،ایک وفاقی وزیر خود کو کشمیری کہتا ہے جس کو کچھ نہیں پتہ ۔

راجہ فاروق حیدر کا کہنا تھا کہ ٹھپے لگے بیلٹ پیپر جنگل سے ملے ہیں،کیا یہ شفاف الیکشن ہیں؟جمعہ کواسلام آباد میں اکٹھے ہوں گے،دنیا کو بتائیں گےکیسے ہمارے حقوق پر ڈاکا ڈالا گیا۔ علی امین گنڈاپوراوربھارتی وزیر داخلہ امیت شاہ میں کوئی فرق نہیں ، یہ ووٹ عمران خان کانہیں پیسے کافراڈ ووٹ ہے ۔

سابق ویز اعظم پاکستان شاہد خاقان عباسی کا کہنا تھا کہ ن لیگ پہلے دن سے ووٹ کو عزت دو کی بات کر رہی ہے،دباؤ اور لالچ کے باوجود ہمارے نمائندے اپنے جگہ قائم ہیں ،آزاد کشمیر میں جو ہوا وہ تمام پاکستانیوں کیلئے لمحہ فکریہ ہے،الیکشن میں جمہوری اقدار کو تباہ کیا گیا،الیکشن کمیشن ایک بار پھر شفاف الیکشن کرانے میں ناکام رہا ،معاملہ الیکشن کے دن نہیں الیکشن سے پہلے دھاندلی سے شروع ہوا ،امریکا، بھارت سے جو بات کی گئی وہ مسئلہ کشمیر کے حل کا انحراف ہے ۔

شاہد خاقان عباسی کا کہنا تھا کہ جو حکومت صوبوں کو حق نہیں دے سکی وہ کشمیر کو بھی حق نہیں دے گی ،ہم آزادکشمیرالیکشن کو مسترد کرتے ہیں،آزادکشمیرالیکشن کو کشمیر کے حقوق پر ڈاکا سمجھتے ہیں ،جو حکومت معاملات میں مداخلت کرتی ہے وہ کشمیر کو حق نہیں دے سکے گی ،کشمیر میں ڈمی وزیر اعظم لاکر صوبہ بنانے کی بات ہو رہی ہے ،آزاد کشمیر میں سیاسی روایات پر کھل کر حملہ ہوا ۔

سابق وزیر اعظم پاکستان کا مزید کہنا تھا کہ وفاق الیکشن کروانے میں ناکام رہا،25 جولائی کو آزاد کشمیر میں جمہوریت ہاری ،جتنے بڑے جلسے ن لیگ نے اس دور میں کیے ہیں اتنے کسی جماعت نے نہیں کیے،یہ بدنصیبی ہے کہ یہ رزلٹ الیکشن مہم کی نمائندگی نہیں کرتا،جب ادرے ملوث ہوتے ہیں تو الیکشن میں باقی کیا رہ جاتا ہے ۔