بالی وڈ سے فلموں کی پیشکش ہوئی لیکن میں نےانکار کردیا : مہوش حیات

تفصیلات کے مطابق نجی ٹٰی وی چینل کے ایک پروگرام میں گفتگو کرتے ہوئے اداکارہ کا کہنا تھا کہ ایک وقت تھا جب ہمارے ملک میں فلمیں نہیں بن رہی تھیں، ایک آرٹسٹ کا خواب ہوتا ہے کہ وہ خود کو بڑے پردے پر دیکھے اور  میرا بھی یہی خواب تھا۔

مہوش حیات کا کہنا تھا کہ مجھے بالی وڈ سے کئی فلموں میں اداکاری کی آفرز ہوئیں، لیکن کبھی مجھے کردار پسند نہیں آیا تو کبھی کہانی اچھی نہیں لگی، صرف اس لیے کے بالی وڈ ہے میں چلی جاؤں، ایسا نہیں سوچا۔

اداکارہ کا مزید کہنا تھا کہ حقیقت یہ ہے کہ مجھے بالی وڈ کبھی مسحور کن نہیں لگا، ہمارے ملک میں پچھلے چھ سات سالوں سے جس قسم کی فلمیں بنائی جارہی ہیں تو مجھے ضرورت محسوس نہیں ہوئی کہ میں وہاں جاکر کام کروں۔