لاہور : امام مسجد کا 13 سالہ بچے پر تشدد

تفصیلات کے مطابق افسوسناک واقعہ لاہور کے علاقےکچا جیل روڈ  میں پیش آیا جہاں طالب علم شہزاد نے گزشتہ روز مدرسے سے بغیر اطلاع چھٹی کی تھی، چھٹی کرنے پر امام مسجد قاری طارق نے13 سالہ شہزاد پر تشدد کیا۔ 

متاثرہ بچے کے والد اشفاق کا کہنا ہے کہ بچے پر ظالمانہ طریقے سے تشدد کیا گیا ہے، امام مسجد کیخلاف قانونی کارروائی عمل میں لائی جائے۔

سی سی پی او لاہور نے واقعہ کا نوٹس لیتے ہوئے ملزم کو فوری گرفتار کرنے کے احکامات جاری کئے تھے۔

اے ایس پی کاہنہ سرکل شعیب میمن کی سربراہی میں کوٹ لکھپت پولیس نے امام مسجد طارق کو گرفتار کر لیا ہے ۔