سہ ملکی سیریز: سری لنکا سنسنی خیز مقابلے کے بعد پاکستان کو 6 رنز سے شکست دے کر فائنل میں پہنچ گیا

روالپنڈی: پاکستان، زمبابوے اور سری لنکا کے مابین کھیلی جانے والی سہ ملکی سیریز کے آخری گروپ میچ میں سری لنکا نے سنسنی خیز مقابلے پاکستان کو 6 رنز سے شکست دے کر زمبابوے کو فائنل کی دوڑ سے باہر کر دیا۔

تفصیلات کے مطابق راولپنڈی کرکٹ اسٹیڈیم میں کھیلے جارہے میچ میں پاکستان کی دعوت پر سری لنکا نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 184 رنز بنائے۔

سری لنکا کے 184 رنز کے جواب میں پاکستانی ٹیم 7 وکٹوں کے نقصان پر 178 رنز بناسکی۔

پاکستان کی جانب سے کپتان سلمان علی آغا 63  رنز  بناکر ناٹ آؤٹ  رہے،جبکہ عثمان خان نے 33 اور  محمد نواز  نے27  رنز  بنائے۔

اس سے قبل سری لنکا کی جانب سے کامل مشارا 76 رنز بنا کر نمایاں رہے۔

علاوہ ازاں کوشل مینڈس 40، کپتان داسن شناکا 17، پتھم نسانکا 8 اور کوشل پریرا 6 رنز بنا کر ناٹ آؤٹ پویلین لوٹے۔

پاکستان کی جانب سے ابرار احمد نے 2 کھلاڑیوں کو آؤٹ کیا جبکہ سلمان مرزا اور صائم ایوب 1، 1 وکٹ لے سکے۔

ٹرائی نیشن سیریز کا فائنل ہفتے کو  پاکستان اور سری لنکا کے درمیان کھیلا جائےگا۔