وزیر خزانہ شوکت ترین کی زیر صدارت اقتصادی رابطہ کمیٹی کا اجلاس

تفصیلات کے مطابق وزیر خزانہ نے کہا ہے کہ براہ راست غیر ملکی سرمایہ سمیت برآمدی شعبے پر توجہ دی جائے جبکہ اسٹرٹیجک ٹریڈ پالیسی فریم ورک اگلے اجلاس میں دوبارہ پیش کرنے کے احکامات بھی جاری کیے گئے ہیں ۔

وزارت فوڈ سکیورٹی کی کپاس کی امدادی قیمت کے تعین کی سمری پر کمیٹی قائم کردی گئی ہے جبکہ کپاس کی امدادی قیمت کے حوالے سےمزید مشاورت کے بعد حتمی فیصلہ کیا جائے گا ۔

کورونا اقتصادی ریلیف پیکیج کے غیر استعمال شدہ 352 ارب کی سمری پر بھی غور کیا گیا ہے ،پیکیج کے 352 ارب روپے نئے مالی سال کے دوران کورونا ریلیف کاموں میں استعمال کرنے کا فیصلہ کیا گیا ہے ۔

اجلاس میں فیصلہ کیا گیا ہے اس فنڈ کو ویکسین کی خریداری کیلئے بھی استعمال کیا جاسکے گا، حکومت کا دسمبر 2021ء تک ملک کی 8.5 کروڑ آبادی کو ویکسین کی فراہمی کا ہدف ہے ۔