ٹی ٹوئنٹی ورلڈ کپ: امریکا کا پاکستان کے خلاف ٹاس جیت کر فیلڈنگ کا فیصلہ 

کولمبو: ٹی20 ورلڈ کپ کے 12 ویں گروپ میچ میں امریکا نے پاکستان کے خلاف ٹاس جیت کر فیلڈنگ کا فیصلہ کرلیا۔

تفصیلات کے مطابق سری لنکا کے شہر کولمبو میں کھیلے جانیوالے میچ میں امریکی کپتان مونانک پٹیل نے ٹاس جیت کر قومی کپتان سلمان آغا کو پہلے بیٹنگ کی دعوت دی ہے۔

قومی کرکٹ ٹیم کے کپتان سلمان آغا نے ٹاس کے بعد گفتگو کرتے ہوئے کہاکہ آج کے میچ کے لیے ٹیم میں ایک تبدیل کرتے ہوئے سلمان مرزا کی جگہ عثمان طارق کو پلیئنگ الیون کا حصہ بنایا گیا ہے۔

دوسری جانب امریکی ٹیم کے کپتان نے کہاکہ ہم اچھی بولنگ کرکے پاکستان کو کم اسکور پر روکنے کی کوشش کریں گے، گزشتہ میچ میں ہماری ٹیم نے بہترین کارکردگی دکھائی۔

پاکستان ٹیم میں صاحبزادہ فرحان، صائم ایوب، بابر اعظم، سلمان آغا، عثمان خان ، شاداب خان، محمد نواز، فہیم اشرف، شاہین آفریدی، عثمان طارق اور ابرار احمد شامل ہیں۔

واضح رہے کہ پاکستان نے اپنے پہلے میچ میں نیدرلینڈز کے خلاف سنسنی خیز مقابلے کے بعد 3 وکٹوں سے کامیابی حاصل کی تھی جبکہ امریکا کو بھارت کے خلاف میچ میں شکست کا سامنا کرنا پڑا۔