ایک ارب ڈالر کی سرمایہ کاری سے 10 لاکھ بچوں کو اے آئی کی تربیت دی جائے گی،شزا فاطمہ

اسلام آباد:وفاقی وزیر مملکت برائے انفارمیشن ٹیکنالوجی (آئی ٹی) شزا فاطمہ کا کہنا ہے کہ اے آئی کے شعبے میں ایک ارب ڈالر کی سرمایہ کاری کرنے جا رہی ہے۔ جس کے تحت 10 لاکھ بچوں کو اے آئی کی تربیت دی جائے گی۔

تفصیلات کے مطابق وفاقی وزیر برائے انفارمیشن ٹیکنالوجی شزا فاطمہ نے ایک تقریب سے خطاب کرتے ہوئے کہا کہ ملک میں ہر شعبے میں مصنوعی ذہانت (اے آئی) کا استعمال تیزی سے بڑھ رہا ہے اور گزشتہ دو برسوں کے دوران اے آئی کے شعبے میں نمایاں پیشرفت دیکھنے میں آئی ہے۔

انہوں نےمزید کہا کہ اعلیٰ تعلیم کے فروغ کے لیے ایک ہزار اسکالرشپس اور ٹریننگ پروگرامز متعارف کرائے جا رہے ہیںان کا کہنا تھا کہ حکومت اے آئی کے شعبے میں ایک ارب ڈالر کی سرمایہ کاری کرنے جا رہی ہے،جس کے تحت 10 لاکھ بچوں کو اے آئی کی تربیت دی جائے گی۔ تاکہ نوجوانوں کو جدید ٹیکنالوجی سے ہم آہنگ کیا جا سکے۔

تقریب سے خطاب میں شزا فاطمہ نے کہا کہ پاکستان کے نوجوانوں میں ٹیلنٹ کی کوئی کمی نہیں۔ اور انہیں درست سمت اور مواقع فراہم کیے جائیں تو وہ عالمی سطح پر ملک کا نام روشن کر سکتے ہیں،انہوں نے کہا کہ معرکہ حق میں سائبر ونگ نے اہم کردار ادا کیا۔ اور فیلڈ مارشل کی قیادت میں بھارت کے خلاف عظیم فتح حاصل ہوئی۔

وفاقی وزیر نے کہا کہ ای اسپورٹس چیمپئن شپ میں ملک بھر سے نوجوانوں نے بھرپور شرکت کی ہے۔ اور چیمپئن شپ کے جیتنے والے کھلاڑی کو 45 لاکھ روپے نقد انعام دیا جائے گا۔ جبکہ ایسے ایونٹس نوجوانوں کو مثبت سرگرمیوں اور ٹیکنالوجی کے میدان میں آگے بڑھنے کے مواقع فراہم کرتے ہیں۔