سونا مسلسل تیسرے روز بھی ہزاروں روپے مہنگا، فی تولہ کتنے کاہو گیا؟

کراچی: عالمی و مقامی مارکیٹوں میں سونے کی قیمتوں میں مسلسل تیسرےروز ہزاروں روپے کا اضافہ ریکارڈ کیا گیا۔

آل پاکستان جیمز اینڈ جیولرز ایسوسی ایشن کے مطابق آج ہفتے کے روز مقامی مارکیٹ میں سونے کے نرخ میں 7 ہزار 100روپے اضافہ ہوا جس کے بعد سونے کی نئی فی تولہ قیمت 5 لاکھ 33 ہزار 562 روپے ہوگئی ہے۔

ایسوسی ایشن کے مطابق اسی طرح10 گرام سونے کے نرخ 6 ہزار 87 روپے بڑھ گئے ہیں، جس کے بعد نئے نرخ 4 لاکھ 57 ہزار 443 روپے ہو گئے ہیں۔

علاوہ ازاں ملک میں چاندی کے نرخ بھی مزید بڑھ گئے ہیں، چاندی کی قیمت 374 روپے بڑھنے سے فی تولہ قیمت 8948 روپے ہوگئی ہے۔

دوسری جانب عالمی بلین مارکیٹ میں سونے کی قیمت میں 71 ڈالر کا اضافہ ہوا ہے جس کے بعد فی اونس 5108 ڈالر کی سطح پر آ گیا ہے۔

خیال رہے کہ گزشتہ تین دن کے دوران سونے کے نرخ میں ہزاروں روپے کا اضافہ ہو گیا ہے، تین دن میں فی تولہ سونا 17 ہزار 500 روپے مہنگا ہو گیا ہے۔