عید کی خوشیاں دوبالا کرنے کیلئے  لالی وڈ کی تین فلمیں  سینما گھروں کی زینت بنیں گی

لاہور:رواں سال عید کی خوشیاں دوبالا کرنے کیلئے  لالی وڈ کی تین فلمیں  سینما گھروں کی زینت بنیں گی۔

تفصیلات کے مطابق ’فلم دہلی گیٹ‘،’بلھا‘ اور ’آگ لگے بستی میں‘  دھوم مچانے کیلئے تیار ہیں۔ ماہرہ خان، فہد مصطفیٰ ، شان شاہد  سمیت دیگر ستارے پردہ اسکرین کی زینت بنیں گے،،دو غیر ملکی اور چند پشتو فلمیں بھی ریلیز ہوں گی۔

اندرون لاہور کی ثقافت کو اجاگر کرتی فلم ’دہلی گیٹ‘ کی نمایاں کاسٹ میں اداکار شفقت چیمہ، جاوید شیخ، شمعون عباسی ، یاسر خان  اور دیگر شامل ہیں،، ایکشن ،رومانس اور سسپنس سے بھرپور فلم   میں ماضی کے نامور ستارے بھی جلوہ گر ہوں گے، فلم کے ڈائریکٹر ندیم ندیم چیمہ جبکہ پروڈیوسر گوہر خان ہیں۔

جبکہ سپر اسٹار شان شاہد  فلم ’بلھا‘ میں ایک منفرد کردار میں جلوہ گر ہوں گے، جرم و سزا پر مبنی فلم کی نمایاں کاسٹ میں شان شاہد، سلیم شیخ، نعیمہ بٹ ، سارہ لورین اور دیگر شامل ہیں،،اس فلم کے ڈائریکٹر شان شاہد ہیں۔

اسی طرح سپر اسٹار ماہرہ خان اور فہد مصطفیٰ بھی طویل عرصہ بعد پردہ اسکرین پر ایک ساتھ نظر آئیں گے، ’فلم آگ لگے بستی  میں‘ جاوید شیخ، تابش ہاشمی اور دیگر ستارے جلوہ گرہوں گے، فلم کے ڈائریکٹر عاطف خان ہیں،، اس کے علاوہ دو پشتو اور دو غیر ملکی فلمیں بھی سینما گھروں کی زینت بنیں گی۔