لاہورکے نیشنل ہسپتال میں ریزوم تھراپی کا کامیاب آپریشن 

لاہور: نیشنل ہسپتال میں ریزوم تھراپی کا کامیابی سے آپریشن انجام دیا گیا۔ 

اس موقع پر ڈاکٹر کامران زیدی نے گفتگو کرتے ہوئے بتایا کہ ہمیں مردوں کی صحت میں ایک اہم کامیابی کا اعلان کرنے پر فخر ہے کہ نیشنل ہسپتال اور میڈیکل سنٹر میں ریزوم واٹر ویپر تھراپی کامیابی کے ساتھ انجام دیا ہے، جس سے دل کے مریض کو بھی بینائن پروسٹیٹک ہائپرپلیزیا(بی پی ایچ) کی علامات سے نمایاں ریلیف ملتا ہے۔

ان کا کہنا تھا کہ Rezum ایک انقلابی، کم سے کم تکلیف دہ علاج ہے جو بڑھے ہوئے پروسٹیٹ کو کم کرنے کے لیے قدرتی بھاپ کا استعمال کرتا ہے۔ 
ان کا مزید کہنا تھا کہ یہ جدید طریقہ خاص طور پر زیادہ خطرے والے مریضوں کے لیے فائدہ مند ہے، بشمول وہ لوگ جو دل کے امراض میں مبتلا ہیں، کیونکہ اس کے لیے کم سے کم اینستھیزیا کی ضرورت ہوتی ہے اور یہ تیزی سے صحت یاب ہونے پر اطمینانی کا اظہار کرتا ہے۔ 

ڈاکٹر کامران زیدی نے بتایا کہ ہمارے مریض نے بہترین صحتیابی کا تجربہ کیا اور اس طریقہ کار کی حفاظت اور افادیت کو اجاگر کرتے ہوئے اسے فوری طور ڈسچارج کردیا جاتا ہے، نیشنل ہسپتال میں کامیاب طریقہ علاج پر ڈاکٹر کامران زیدی اور دیگر ڈاکٹرز نے کیک بھی کاٹا ۔