گورنر پنجاب سردار سلیم حیدر خان نے "پنجاب فلم سٹی اتھارٹی بل 2026" کی توثیق کر دی  

لاہور: گورنر  پنجاب کی منظوری کے بعد "پنجاب فلم سٹی اتھارٹی ایکٹ  2026"  پورے پنجاب میں نافذ العمل ہو گیا ہے۔

تفصیلات کے مطابق پنجاب فلم سٹی اتھارٹی کے قیام کا مقصد سینما اور موشن پکچر انڈسڑی میں ترقی اور جدت،  مقامی اور بین الاقوامی پروڈکشنز کی حوصلہ افزائی، ثقافتی شناخت کو مضبوط بنانا اور سرمایہ کاری کو فروغ دینا ہے۔

پنجاب فلم سٹی اتھارٹی کے قیام سے روزگار کے مواقع پیدا ہوں گے فلم انڈسڑی سے وابستہ لوگوں کی مہارت بڑھانے کے لیے ملک اور بیرون ملک تربیتی پروگرام کا انعقاد کیا جائے گا۔

پنجاب فلم سٹی اتھارٹی کے ذریعے سینما کی ترقی کے لیے ون ونڈو سہولت کاری مہیا کی جائے گی دیہی و پسماندہ علاقوں میں موبائل، اوپن ایئر اور کمیونٹی سینما قائم کیے جائیں گے جبکہ بند سینما ہالز جدید سہولیات سے بحال ہوں گے، پرانی فلموں کی ڈیجیٹائزیشن بھی ہوگی  پرانی فلموں اور سینما ورثے کو محفوظ اور آرکائیو کیا جائے گا۔