مصر نے 92 سال بعد فیفا ورلڈ کپ کا میچ جیت لیا، نیوزی لینڈ کو 3-1 سے شکست 

وینکوور :مصر نے فیفا ورلڈ کپ میں تاریخ رقم کرتے ہوئے نیوزی لینڈ کو 1-3 سے شکست دے کر 92 سال بعد ایونٹ میں اپنی پہلی کامیابی حاصل کرلی۔

اس شاندار فتح میں اسٹار فارورڈ محمد صلاح نے مرکزی کردار ادا کیا جن کی عمدہ کارکردگی نے ٹیم کی ناک آؤٹ مرحلے میں رسائی کی امیدیں مزید روشن کردیں۔

تفصیلات کے مطابق وینکوور میں کھیلے گئے گروپ جی کے میچ میں مصر نےایک کے مقابلے میں تین گول سے کامیابی سمیٹی۔کھیل کے15ویں منٹ میں فن سُرمن نے گول کرکے کیویز کو برتری دلائی۔ دوسرے ہاف میں مصر نے شاندار کم بیک کرتے ہوئے تین گول داغے۔

مصر ی ٹیم کی جانب سے محمد صلاح، مصطفیٰ زیکو اور محمود حسن ٹریزیگئے نے ایک، ایک گول کیا۔ اس جیت کے ساتھ مصر کی ٹیم اپنے گروپ میں 4 پوائنٹس کے ساتھ سرفہرست آگئی ہے۔ جبکہ نیوزی لینڈ ایک پوائنٹ کے ساتھ آخری پوزیشن پر موجود ہے۔

میچ کے اختتام پر مصری شائقین نے بھرپور جشن منایا اور ٹیم کی تاریخی کامیابی کو یادگار قرار دیا۔